Lo mot de la directritz : lo projècte d’escòla

Dempuèi dos ans, la còla de la Calandreta Candòla pòrta lo projècte d’afortir la lenga e la cultura occitanas pel biais de las fèstas tradicionalas, que ponctuan l’annada.

Aquelas fèstas, que venon al gost de las sasons, an lo sens d’una lenga e d’una cultura ricas, ligadas a la natura coma la fèsta de la castanha, a la memòria dels calendièrs, a la venguda dels solsticis que transitan las sasons coma lo moment de Nadal e de la Sant-Joan, a una tradicion arcaïca de repeticion coma lo Carnaval.

Es aquela conéissença de la cultura nòstra, ligada a totas las autras que volèm trasmetre a nòstres escolans. Es tanben la valor de la lenga occitana, dont sas sòrres son geograficament pròchas e fan partida de la familha romana que fa l’interés de la nòstra escòla.

Julia Roiron

Comments are closed