4 classas

Petite seccion
Barbara PIQUEMAL
Es la classa de la benvenguda à l escòla, amassa fasèm los nòstres primièrs passes à la CALANDRETA. En charrar, en jogar dins los diferents cantons, en participar a de talhièrs dirigits, descobrissèm cada jorn de novèlas nocions e n afortissèm d autras. Descopar, pegar, modelar, colorar, dessenhar, pintrar, comptar, cantar, sautar, correr, dançar, se pausar, aquí un escapolon de çò que podèm far dins la classa.

Mejana e granda seccion
Gert PEYRAS
Aquí començam ja l’aprendissatge de la lectura al sens larg: reconeissença de las letras, qualques sons, de pichòts mots. Puèi un trabalh bèl en grafisme per s’aprestar a l’escritura en ligat qu’a la fin de la granda seccion escriurem ja qualques mots en estacat.
En descubèrta del mond fasèm de matematicas:comptar, se reperar dins l’espaci, e lo temps, reconeissença de las formas… E puèi fasèm las primièras descubèrtas scientificas.
Per çò que son las institucions, aquí començan de prene sens e forma pels enfants. Lo conselh, lo Qué de Nòu e  la presentacion de causas son de moments reclamats pels enfants e forman de moments claus dins la classa. Sens oblidar la moneda , lo mercat e los mestièrs que servisson a regular lo fonccionament de la classa en matèria de la cooperacion.

La classa de CP-CE1
Julia Roiron
Aqui, aprenèm a legir e a escriure a partir de la produccion dels enfants : lo dessenh « contat », que deven pauc a cha pauc un tèxt illustrat va èsser causit per la classa per i trabalhar dessús : un tèxt, una frasa-clau, un mot, de letras, de sons. Aqueles tèxts van èsser recampats dins lo jornal de la classa, amb d’articles de çò que la classa aurà decidit de parlar al consèlh. La regenta velha a çò que cada moment de classa aja un sens per l’enfant que apren, e grandís.

Classa multi-nivèl : CE1, CE2, CM1, CM2
Olivier GROLLEAU
Sèm la classa dels Gats salvatjes.Una classa multi-nivèl: CE1,CE2, CM1, CM2. Aprèp aver realisat l’espectacle « dança del chivalet » , sèm d’aprene un molon de cançons en òc mai tamben en Italian e dins pauc de temps en Catalan.Avèm de fasmes bèls( son plan noirits de roncas grassas e frescas), dins gaire de temps aurèm un ou dos conilhs. Las nòstras jornadas son ritmadas pels calculs de caps, d’expausats, de cenchas, de lectura , de creacions matematicas, d’expression liura, de poësias , consèlhs ,de cant, de Trabalh Individual, d’espòrt e s’acaba totjorn pel Bilanç.

Comments are closed